Гэрээний нэр: Ус гүн цэвэршүүлэх үйлдвэр байгуулах, SCADA систем суурилуулах ажлын гэрээ

Гэрээний дугаар: CB No: MCA-M/CF/DWA/W-01

Монголын Мянганы сорилтын сан (“Монголын МСС”) Ус гүн цэвэршүүлэх үйлдвэр байгуулах, SCADA систем суурилуулах ажлын тендер шалгаруулалтын Тендер ирүүлэхийн өмнөх цахим уулзалтыг 2021 оны 1 дүгээр сарын 27-ны өдөр зохион байгуулах гэж байна.

Цахим уулзалтын зорилго нь:

1. Тендерт оролцогчдод тус барилга угсралтын ажлын цар хүрээ, тендер шалгаруулалтын үйл явцын талаар танилцуулж, Тендерийн баримт бичигтэй холбоотой асуулт, тодруулгад хариу өгөх;

2. Тендерийн баримт бичигт заасан шаардлагыг бүрэн хангасан тендерийн санал бэлдэж ирүүлэхэд анхаарах зүйлсийн талаарх мэдээллийг оролцогчдод хүргэх;

3. Ковид-19 цар тахлын улмаас төслийн талбайтай биечлэн танилцах боломжгүй байгаатай холбогдуулан талбайн танилцуулгыг видео хэлбэрээр оролцогчдод хүргэх;

4. Цахим уулзалтад оролцсон Гэрээлэгч, Ханган нийлүүлэгч болон Туслан гүйцэтгэгч компаниудын тухай мэдээллийг нийт оролцогчдод хүргэх зэрэг болно.

Уулзалтад оролцохыг сонирхож буй компаниудын төлөөлөл Тендерийн баримт бичгийн Англи хэл дээрх хувийг Монголын МСС-ийн цахим хуудас дахь https://bit.ly/3nbYWsh холбоосоор татаж авсан байх шаардлагатай.

Тус уулзалтад оролцох холбоосыг уг баримт бичгийн Section II- Bid Data Sheet – Sub-Section 8.4. хэсгээс харах боломжтой.