“Жендэрийн мэдрэмжтэй ажлын байрны бодлого”-ын хүрээнд Хот байгуулалт, барилга, орон сууцжуулалтын яамнаас салбарын онцлогтоо нийцүүлэн анхны жишиг “Ажиллагсдын ажлын орчин нөхцөлийн жендэрийн мэдрэмжийг үнэлэх тоон болон чанарын багц шалгуур үзүүлэлт болон ажилчдын байрны шалгах хуудас”-ыг батлан хэрэгжүүлж эхэлсэн.

Энэ хүрээнд Хот байгуулалт, барилга, орон сууцжуулалтын яам болон Монголын Мянганы Сорилтын сан хооронд байгуулсан “Хамтран ажиллах санамж бичиг”-ийн дагуу гарын авлага, зурагт хуудас боловсруулах талаар талуудыг оролцуулсан хэлэлцүүлгийг Монголын МСС дээр зохион байгууллаа.

Хэлэлцүүлэгт Хот байгуулалт, барилга, орон сууцжуулалтын яамны Жендэрийн орон тооны бус салбар зөвлөл, олон улсын төсөл хөтөлбөр хэрэгжүүлж буй байгууллагуудын төлөөлөл оролцож санал бодлоо солилцлоо.